Popular Posts

Friday, June 14, 2013

មហាសេដ្ឋី Rupert Murdoch ដាក់​ពាក្យ​លែង​លះ​ប្រពន្ធ​ទី​៣

លោក​ Rupert Murdoch មហា​សេដ្ឋី​លំដាប់​ពិភព​លោក​ និង​ជា​ប្រធាន​ក្រុមហ៊ុន​ News Corporation បាន​ដាក់​ពាក្យ​លែង​លះ​ប្រពន្ធ​ទី​៣​របស់​លោក​ឈ្មោះ​នាង Wendi Deng ​បន្ទាប់​ពី​អ្នក​នាំ​ពាក្យ​ក្រុម​ហ៊ុន​បាន​ឲ្យ​ដឹង​ថា អ្នក​ទាំង​ពីរ​បាន​បែក​បាក់គ្នា​​អស់​រយៈ​ពេល​ជាង​ប្រាំមួយខែ​ហើយ​។ ឯកសារ​ការ​លែង​លះ​ត្រូវ​បាន​ដាក់​នៅ​តុលាការ​កំពូល​នៅ​ក្នុង​ទី​ក្រុង​ ញូវយ៉ក​សហ​រដ្ឋ​អាម៉េរិក​។
លោក Rupert Murdoch  មាន​អាយុ ៨២ ឆ្នាំ​ បាន​រៀបការជាមួយលោកស្រី​​ Wendi Deng ដែល​មាន​អាយុ ៤៤ ឆ្នាំ​តាំងពី​ឆ្នាំ ១៩៩៩​ នៅ​ពេល​ដែល​លោក​បាន​ជួប​នាង Wendi ​នៅ​ប្រទេស​ចិន​។
​​
ក្រុមហ៊ុន​ News Corp របស់​លោក​បាន​ឲ្យ​ដឹង​ថា ​ការ​លែង​លះ​នឹង​មិន​មាន​ផលប៉ះពាល់​ទៅ​លើ​ក្រុមហ៊ុន​ឡើយ​ ហើយវាក៏​​មិន​អាច​ផ្លាស់​ប្តូរ​​ផែន​ការ​ស្នង​ដំណែង​នោះ​ដែរ​​។
ក្រុមហ៊ុន ​ News Corp ប្រហែល​ជា​ត្រូវ​បំបែក​ជា​ពីរ​ក្រុមហ៊ុន​ដាច់​ដោយ​ឡែក​​ ដោយ​ក្រុមហ៊ុន​មួយ​ផ្ដោត​ទៅ​លើការធ្វើ​ពាណិជ្ជ​កម្ម​ផ្នែក​ការ​កម្សាន្ដ​ និង​មួយ​ផ្សេងទៀត​សម្រាប់​បោះ​ពុម្ព​ផ្សាយ​។ លោក Rupert Murdoch នឹងនៅ​តែជា​ប្រធាន​ក្រុមហ៊ុន​ទាំង​ពីរ​ដដែល ដែល​គេ​ប៉ាន់​ប្រមាណ​ថា មាន​តម្លៃ​ប្រមាណ​ជា ៩ ពាន់​ ៤០០លាន​ដុល្លារ​៕

No comments:

Post a Comment

AFD